PGL – O Centro Social Mádia Leva! organiza o Mês da Língua, actividade que decorrerá entre 17 de Maio (Dia das Letras) e 10 de Junho (Dia de Camões). Do local social luguês salientam que se tratará de um período cheio de actividades reivindicativas, lúdicas e formativas «com a mesma convicçom de Castelao quando afirmavaa: “A nossa língua é extensa e útil, porque com pequenas variantes fala-se no Brasil, em Portugal e nas colónias portuguesas”».
O 17 de Maio, o centro social adire a manifestaçom nacional promovida pola plataforma Galego Sempre Mais. Mais tarde, na sexta-feira dia 22 convidam Carlos Varela, presidente da eunaviega Abertal, para falar da situaçom da nossa língua nessa comarca. Na quinta-feira dia 28 participará o membro do Conselho da AGAL José Manuel Barbos, quem dará umha palestra intitulada “A língua galego-portuguesa no mundo. A matriz galega”. Na sexta feira 29, Bernardo Penabade falará do modelo de normalizaçom lingüística de Burela, pioneiro na Galiza. O mês finaliza no dia 30 com umha apresentaçom da Estaleiro Editora, A revolução pendente. Democracia e femimismo, de Carlos Diegues.
Em Junho, na quinta feira 4, o sociolingüista e professor da Universidade da Corunha, Celso Alvarez Cáccamo, ministrará a palestra: “A crise da língua e a lógica do Capital”. O mês encerrará na quarta feira, dia 10, com a ensaísta e profesora da UdC, Goretti Sanmartin Rei, com a palestra “Língua e proposta normalizadoras. O compromisso individual”.
Ciclo Glauber Rocha
Outras actividades serám um ciclo de cinema brasileiro dedicada a Glauber Rocha, líder do chamado ‘Cinema Novo’ e profundamente influído pola ‘Nouvelle Vague’ francesa. Os temas mais tratados por ele têm a ver com o subdesenvolvemento do Brasil, a miséria do sertão e a exploraçom exercida polos latifundistas. Deste jeito, no dia 1 projectará-se Barravento, no dia 2 Deus e o Diabo na Terra do Sol, o 8 Terra em Transe e o 9 O Dragão da Maldade contra o Santo Guerreiro.
NOTA: excepto a manifestaçom do 17 de Maio, todas as actividades serám às 20h30 no Centro Social Mádia LEva (r/Amor Meilám n.º 18).
