Nationàlia – Finalizam as emissons em FM de Rádio Sele, que emitia o 100% da sua programaçom na língua própria de Astúrias. Os programas da emissora poderám-se continuar escuitando através da Internet. A radiodifusom pública asturiana também deixará de emitir um programa desportivo em asturiano.
As duas últimas semanas têm levado más notícias para a língua asturiana no âmbito dos meios de comunicaçom. Como veu acontecendo recentemente na vizinha Galiza, onde vários cabeçalhos em papel e digitais tivérom de encerrar, a língua própria do país está a sofrer uma regressom mediática, no caso das Astúrias no âmbito radiofónico.
A principal vítima deste mau momento foi Rádio Sele, que no final do passado outubro foi obrigado a suspender as suas emissons através da FM. Segundo informou a própria emissora, a Direçom de Comunicaçons do Ministério de Indústria espanhol decidiu que Rádio Sele tinha de encerrar porque nom estava a emitir de forma legal. Segundo explica o digital asturiano Aruelu, Rádio Sele, que emite desde 1986 e era a única rádio com os 100% da sua programaçom em asturiano, recebera umha licença o ano 1998. Mais tarde, porém, o executivo socialista de Vicente Álvarez Areces mudou as condiçons da concessom da licença com caráter retroativo. Agora, o governo espanhol decidiu obrigar a emissora a cumprir com a decisom do executivo Areces.
A emissora anunciou que nom se dá por vencida e que continuará dando serviço aos seus ouvintes, desta vez apenas através da Internet.
E poucos dias depois que se conhecera o corte das emissons em FM Radio Sele, Les Noticies informava que a radiotelevisom pública asturiana, RPA, está prestes a deixar de emitir um dos programas que até agora se faziam em asturiano. Trata-se do espaço desportivo ¡Acuto!, que se verá pola última vez no final do ano. A maior parte da programaçom do rádio e a televisom pública das Astúrias é emitida em castelhano.
+ Ligaçons relacionadas:
- Um julgado asturiano diz agora que os servidores públicos nom podem utilizar a língua asturiana [PGL, 31/03/2010]
- O TC espanhol reconhecer o direito dos asturianos a se dirigirem à Administraçom autonómica em asturiano [PGL, 11/03/2010]
- Juíza espanhola impede ‘falar’ em língua asturiana [PGL, 13/01/2009]
- Xuan Bello critica a situaçom do galego e do asturiano no Principado [PGL, 05/01/2009]
- Darréu quier solidarizase con Radio Sele y amosar el so descontentu cola orde de dexar d’emitir a ésta [Glayiu]
