Através Editora irá disponibilizando na Rede livros do seu catálogo

‘Manual de Galego Científico’ tem agora versom eletrónica gratuita

O 'Manual' véu servindo durante estes anos como referência para umha língua de qualidade



manual de galego científicoA Através Editora e a AGAL, com a  permissom dos autores, querem disponibilizar livros do seu catálogo de forma aberta e livre como ferramentas de uso universal. Estes livros adoitam ter certa antiguidade e/ou serem difíceis de encontrar nas livrarias polo que os títulos esgotados de que nom se projetem novas reedições serám oferecidos de graça na loja on-line. Dentro desta política de promover recursos próprios, é oferecido nesta altura —em acesso livre e gratuito— o Manual de Galego Científico, dos professores Carlos Garrido, da Universidade de Vigo, e Carles Riera, da Universitat Ramon Llull.

O Manual véu servindo durante estes anos como referência para umha língua de qualidade e como claro expoente das potencialidades do galego, enquanto galego-português, para a expressom especializada e para a comunicaçom internacional.

A ediçom desta obra é de 2011, mui alargada, de mais de 600 páginas, e apresenta um panorama abrangente da constituiçom do galego técnico-científico, já que ela inclui umha extensa secçom consagrada ao estudo da morfossintaxe da língua especializada, fundamento da redaçom técnica e para um cultivo eficaz do galego científico.

Outros pontos inovadores que incorpora esta ediçom som o reforço da análise da estratégia de habilitaçom em galego das línguas especializadas, agora também aplicada ao setor da morfossintaxe, um tratamento mais completo da acentuaçom dos termos, da conversom semántica e da abreviaçom, bem como o acréscimo de numerosos exemplos e de apêndices de interesse prático —sobre a leitura de números, símbolos e expressons quantitativas, por exemplo.

 

+ Ligações relacionadas:


PUBLICIDADE

  • Monstro da Empanada

    Obrigado companheiros!!

  • ranhadoiro

    Que bom