PGL – No momento de redigirmos estas linhas, 230 pessoas já manifestárom a sua adesom a um texto que circula pola internet e que solicita a cooficialidade das normativas reintegracionista e isolacionista para o galego.
A petiçom denuncia que muitas galegas e galegos «carecem dos mesmos direitos que os demais quando empregam a normativa ortográfica que consideram mais adequada para o galego». Também critica a discriminaçom a nom igualdade de oportunidades para usar alguns serviços ou concorrer a determinadas convocatórias de ajudas públicas.
Esta situaçom, em opiniom da pessoa que promove a iniciativa, «contravém a Declaraçom Universal dos Direitos Lingüísticos», bem como outras normas e disposiçons legais, e lembra o caso da Noruega, a qual tem duas normas para o idioma com idêntico reconhecimento por parte das instituiçons.
