PGL – Amanhá, sexta-feira 28 de setembro, o centro social Mádia Leva celebra com umha ceia os cinco anos de ativismo na cidade de Lugo. O preço é 7€ e agradece-se confirmaçom durante o dia de hoje. Após a ceia, prevista para as 21h, haverá festa e foliada.
A Sociedade Cultural Mádia Leva! é um projeto comprometido com a língua e a cultura galega que trabalha por impulsionar a organizaçom do povo, a democracia participativa, a defesa da Terra e a luita pola autodeterminaçom da Galiza.
Nascida em junho de 2007, em setembro do mesmo ano abriam o centro social (inicialmente sediado na rua Amor Meilám e, desde começos de ano, na rua Serra dos Ancares n.º 18). Entre as suas múltiplas iniciativas podemos destacar o grupo de estudos, o clube de leitura em português, a co-organizaçom dumha feira de consumo responsável ou a ediçom dumha revista que vai polo número 6.
