PGL – O selo de qualidade lácteo «Galega 100%» ou, como se insinua no logótipo, «Gallega 100%», ideado pola Conselharia do Meio Rural, emprega umha denominaçom, no mínimo, espanholizada, que dá imagem de ser todo o contrário do que se pretende promocionar.
Os parlamentares do BNG Bieito Lobeira e Tereixa Paz perguntárom à Junta acerca do uso castrapizante no nome da marca. Segundo explicam, «na expressom gráfica da marca aparece um fino jorro de leite acompanhando o «l» de «galega», com o que se pode ler diretamente «gallega». E, sendo leite, ademais, substantivo masculino, caberia como única forma possível no nosso idioma «[leite] galego 100%», nunca «galega». Por este motivo falam de «castrapizaçom» e vinculam o nome do selo com a espanholizaçom do do vocábulo «leite» —em castelhano, «la leche»—. Daí que concluam que será um leite galego nos 100%, mas em galego apenas nos 0%.
Em opiniom dos dous parlamentares, trata-se de mais umha açom da Junta na sua política lingüística de agressom, implícita ou explícita, ativa ou passiva, cara à língua galega. Nem só haveria que ver umha agressom ao galego, mas também ao próprio produto e aos produtores que pretende agrupar a marca, pois resulta «contraditório e contraproduzente em termos empresariais», já que «a perceçom de consumidoras e consumidores, segundo indicam diversos estudos, do uso da língua galega em marcas e etiquetagens vincula-se a valores de proximidade, confiança e qualidade, polo simples facto de se associar mecanicamente com o uso da língua galega».
Feijóo na apresentaçom do novo selo de qualidade lácteo. Aprecia-se claramente como
ao pé do «l» de «galega» cai um fino jorro que o converte em «gallega»
Para o BNG, o «Governo do Partido Popular está disposto a sacrificar a viabilidade de umha marca em funçom do seu projeto político-ideológico, negador e anulador da língua própria da Galiza. É terrível que o leite galego, produzido e transformado por pessoas que de modo muito maioritário utilizam o nosso idioma, seja depois publicitado noutra língua». Em sua opiniom, apenas umha «atitude política acomplexada e colonizada, de renúncia ao próprio e de fascinaçom polo aheio, pode explicar cabalmente umha atuaçom tam lamentável como a descrita».
Lemas ‘bilingües’
Além de aos parlamentares do BNG, o anúncio do novo selo tampouco deixou indiferente a sempre ativa blogosfera galega, e já nas primeiras horas posteriores a esta apresentaçom surgírom comentários ligando os usos lingüísticos de «Gal(l)ega 100%» com outras campanhas do próprio Partido Popular, em especial o que utilizarám nas eleiçons municipais de 2011: «Partido de Gob(i)erno».
Porém, como afirma umha leitora do PGL em mensagem enviada para a redaçom do Portal, «parece que há quem nom repara em limites e nom hesita em levar para o Governo do nosso país as mesmas práticas que no seu cortelho privado».
+ Ligaçons relacionadas:
- Junta rectifica e elaborará plano de normalizaçom com empresas fornecedoras de serviços [PGL, 14/07/2010]
- Pedem para os fornecedores de serviços usarem o galego [PGL, 07/05/2010]
- O BNG denuncia a atitude lingüística da empresa Unión Fenosa-Gas Natural [PGL, 04/12/2009]
- Unión Fenosa: «A mí me habla en español, que yo soy española» [PGL, 01/12/2009]
- A Junta ignora as obrigas lingüísticas de Unión Fenosa-Gas Natural [PGL, 02/06/2010]
