PGL – O deputado do Grupo Parlamentar do BNG, Bieito Lobeira, perguntou recentemente à Secretaria Geral de Política Lingüística sobre a negativa de Unión Fenosa-Gas Natural a atender em galego os seus clientes.
A esta questom, o departamento autonómico respondeu que «cumpre ter em conta que umha empresa privada nom está obrigada a realizar a sua actividade mercantil nem ofertar os seus produtos em galego».
Os nacionalistas denunciam que a Secretaria Geral de Política Lingüística dá com essa resposta amostra da sua ignorância sobre as leis que regem o País na matéria, pois a lei 1/2010, de 11 de Fevereiro, numha diposiçom sobre o fomento do uso do galego em empresas fornecedoras de serviços, afirma o seguinte: «deverám oferecer a possibilidade de manterem a comunicaçom oral e escrita em galego”.
É portanto de obriga imediata proceder à galeguizaçom deste tipo de serviços na Galiza, considera o BNG, que critica o deconhecimento do departamento chefiado por Anxo Lorenzo sobre a condiçom de fornecedora de serviços de Unión Fenosa-Gas Natural e sobre as medidas que tomará a respeito.
+ Ligaçons relacionadas:
- Pedem para os fornecedores de serviços usarem o galego [PGL, 07/05/2010]
- O BNG denuncia a atitude lingüística da empresa Unión Fenosa-Gas Natural [PGL, 04/12/2009]
- Unión Fenosa: «A mí me habla en español, que yo soy española» [PGL, 01/12/2009]
