PGL – O Paço de Tor, em Monforte, é o lugar escolhido para apresentar a 8 de janeiro Ayes de mi País, o primeiro cancioneiro musical galego. Trata-se de umha ediçom de José Luís do Pico e Isabel Rei Sanmartim, publicado pola editora Dos Acordes com a colaboraçom com aCentral Folque e a AGLP.
O ato, que iniciará às 20h30, contará com a participaçom de Do Pico Orjais e Isabel Rei, e haverá também um recital de guitarra sobre temas do cancioneiro.
Precisamente, foi nos ambientes da fidalguia dos paços «onde se desenvolvêrom as sensibilidades e se interpretavam estes temas», lembram de aCentral. Marcial Valladares, autor do cancioneiro, e a sua família, mantinham este costume no paço de Vila-em-Costa, na Estrada, e foi graças ao trabalho de campo e ao seu relacionamento com inteletuais e músicos da época que logrou formar umha coleçom de cantigas e melodias que só agora se publicam na íntegra.
+ Ligaçons relacionadas:
