PGL – Sexta-feira, dia 8 de abril, Carlos Garrido apresenta a segunda ediçom do Manual de Galego Científico, realizado em parceria com o especialista catalám Carles Riera e publicado pola ATRAVÉS|EDITORA. O ato será às 12 horas na aula magna da Faculdade de Física de Santiago de Compostela.
Na que é a primeira apresentaçom formal da nova ediçom, Garrido estará acompanhado por Ramom Flores, professor de Física da USC, e Valentim R. Fagim, presidente da AGAL, entidade sob cujo selo editorial (ATRAVÉS|EDITORA) foi publicada a obra.
Além de dar a conhecer as caraterísticas fundamentais da nova ediçom do Manual de Galego Científico, «revista e muito acrescentada», em palavras do autor, Garrido proporá ao público elementos de análise e de debate em volta da constituiçom e funcionalidade do galego culto e técnico-científico.
Perfil do autor
Carlos Garrido (Ourense, 1967) é doutor em Biologia e licenciado em Traduçom e Interpretaçom. Estudioso da língua especializada, lexicógrafo e tradutor científico, tem publicado, entre outras obras, o Dicionário Terminológico Quadrilíngüe de Zoologia dos Invertebrados (1997), Aspectos Teóricos e Práticos da Traduçom Científico-Técnica (Inglês-Galego) (2001), Ferramentas para a Traduçom (2004) e Léxico Galego: Degradaçom e Regeneraçom (2011). Atualmente é professor de Traduçom Técnico-Científica na Universidade de Vigo e presidente da Comissom Lingüística da AGAL.
+ Ligaçons relacionadas:
