PGL – Para evitar que documentaçom oficial em galego seja rejeitada por instáncias administrativas espanholas, a Junta da da Galiza, numha resposta ao grupo parlamentar do PSdeG, aposta por que sejam emitidas certidões e outros documentos em castelhano e galego.
Segundo a informaçom que publica o diário digital Praza Pública, o bilinguismo galego-castelhano seria a soluçom da Junta para resolver graves casos de discriminaçom de galego-falantes cuja documentaçom oficial foi rejeitada por nom estar em castelhano ou inglês.
Do grupo parlamentar socialista, na sua pergunta à Junta, indicavam que um trámite administrativo «nom deve converter-se em motivo de desputa» e que «deve prevalecer o respeito aos nossos falantes e a razoável cooperaçom institucional». Porém, a intençom da Administraçom galega constitui umha nova renúncia a defender o caráter do galego como língua oficial, reprovam as vozes críticas.
