O conselheiro de Cultura, Educaçom e Ordenaçom Universitária, Román Rodríguez, e o presidente do Conselho da Cultura Galega (CCG), Ramón Villares, tivérom já a primeira reuniom de trabalho para tratar o desenvolvimento dos diferentes projetos que ambas as instituições têm em andamento, bem como para o início de novas vias de colaboraçom.
Foi esta a primeira vez que Román Rodríguez visitou o Conselho, do qual é membro nato por se tratar do Conselheiro da Cultura, se bem demorou quase três semanas em realizar esta primeira tomada de contato (a sua nomeaçom foi o passado 10 de fevereiro).
O conselheiro salientou a promoçom interior e exterior da nossa cultura, procurando vínculos com a Lusofonia, assim como o fomento da língua galega entre os escolares através de iniciativas como «No bico um cantar», ou atuações no âmbito do património.
Román Rodríguez lembrou que o CCG é umha instituiçom cuja criaçom se define no estatuto de autonomia da Galiza e que tem entre os seus objetivos a promoçom da língua galega e dos valores culturais da Galiza nos diferentes âmbitos da sociedade.
