PGL – O presidente da Mesa, Carlos Callón, vai ser julgado hoje em Santiago de Compostela por umha denúncia formulada contra ele polo juiz decano da Corunha, Fraga Mandián. Os factos remontam-se até 2008, quando o magistrado denunciou um corunhês que o acusara de usar toponímia deturpada.
Como informámos no PGL naquela altura, Fraga Mandián denunciou por «injúrias» Eduardo Álvarez, responsável do sindicato CIG, quem o acusara de «cínico» por usar o topónimo ilegal La Coruña e justificar-se dizendo que era um simples «erro ortográfico». O próprio Pleno municipal criticou a atitude do juiz, que mesmo questionava a legalidade da forma oficial A Coruña.
Como reaçom, Callón criticou Fraga Mandián, acusando-o de «apologia da desobediência da legalidade, especialmente grave ao se tratar de um magistrado», factos polos quais terá hoje que declarar nos julgados compostelanos das Fontinhas a partir das 10 horas. Em apoio do presidente da Mesa, haverá umha concentraçom solidária diante do edifício de justiça.
+ Ligaçons relacionadas:
- Pleno da Câmara Municipal da Corunha desiste do ‘L’ do topónimo [Velho PGL, 10/07/2008]
- Juiz defende ilegalidade [Velho PGL, 27/06/2008]
