PGL – Dous jovens militantes da organizaçom juvenil independentista Briga contestárom na passada sexta-feira, 23 de Janeiro, a palestra programada polo colectivo anti-galego «Galicia Bilingue» na Aula de Cultura Caixa Galicia em Compostela.
Conforme informam de Briga, embora a nutrida presença policial estes dous jovens conseguírom aceder ao interior do local, «lançando consignas em defesa do galego e contra a propaganda espanholista». As pouco mais de vinte pessoas que assistiam ao evento reagírom «com insultos vários» e despedírom os jovens ao grito de ‘paletos’.
Enquanto isso acontecia no interior, sempre segundo Briga, no exterior as forças policiais identificavam e espancavam o resto dos jovens pró-galego, sendo obrigados a deslocarem para uma rua próxima a concentraçom prevista nas portas do local de Caixa Galicia sito na Carreira do Conde.
De Briga chamam para o activismo pró-galego se mobilizar perante o espanholismo, sendo que o próximo repto chegará na mobilizaçom anti-galega marcada para o próximo dia 8 de Fevereiro também em Compostela.
Instantâneas do protesto | Fotos: briga-galiza.org
