PGL – Baixo o título “Umha escola para nos fazermos grandes” a Gentalha do Pichel organiza os vindouros dias 7 e 8 de outubro umhas jornadas de análise sobre o ensino popular.
Na seqüência da atividade, vários especialistas analisarám, a partir da perspetiva histórica, jurídica e prática, a viabilidade dum ensino galego e nom estatal e as suas potencialidades num contexto sociolingüístico como o atual.
Da organizaçom lembram que a escola pública continua a ter um papel «claramente desgaleguizador» entre amplos setores da juventude. Ainda, estas jornadas adiantam-se umhas semanas à abertura em Compostela da escola cooperativa Semente, prevista para novembro, com o intuito de contribuir para este projeto fornecendo de ferramentas teóricas todas as pessoas implicadas ou interessadas. Neste sentido, e para conhecer de primeira mao projetos similares, as jornadas tratarám a experiência das Ikastolas navarras e contarám coa presença de Manu Gomez Genua, docente e promotor do projeto Txikiak Handi.
As jornadas desenvolverám-se no Centro Social A Gentalha do Pichel, sito na rua Santa Clara nº13 e o programa será o seguinte:
Sexta-feira, dia 7 de outubro
sessom inaugural
20h30: «O ideário pedagógico de Carvalho Calero e a Instituiçom Livre de Ensino (Institución Libre de Enseñanza)». Com Reimundo Norenha (escritor, professor e membro da Academia Galega da Língua Portuguesa).
Sábado, dia 8 de outubro
9h30: Receçom
10h00: «A semente segada. Ensino Popular e Renovaçom Pedagógica na Galiza antes de 1936». Com Antón Costa (professor de História da Educaçom na USC e fundador do movimento de renovaçom pedagógica Nova Escola Galega).
12h00: «As Irmandades da Fala e outras tentativas de galeguizaçom do ensino nos inícios do século XX». Com Ernesto Vásquez Souza (Doutor em Filologia e especialista no movimento das Irmandades da Fala, a figura de Ángelo Casal e o mundo do livro galego).
16h00: Receçom
16h30: «Quadro normativo do galego no ensino. Limitaçons e alternativas». Com Eva Yusti Campo (professora e membro da VOGAL – Viveiro e Observatório das Galescolas)
18h00: «A semente que prendeu. Ikastolas: alicerces dumha Navarra euskalduna». Com Manu Gomez Genua (licenciado em Biologia, professor de secundário na ikastola Iñigo Aritza e promotor do projeto Txikiak Handi)
20h00: «O futuro. Apresentaçom da Escola de Ensino Galego “Semente”». Com Marta Santos e Marcos Lopes, membros do grupo promotor da Semente.
Programa das jornadas
[prima aqui para alargar a imagem]
- Escola Semente abre convocatória para duas vagas de trabalho [PGL, 23/09/2011]
- Marta Santos e Marcos Lopes: «O nome da escola Semente dá ideia de abrolhar, de começar a vida, nom só das crianças, mas também dum projeto que aspira a crescer» [PGL, 14/09/2011]
- Andamos novamente a sementar. A colheita desta nova espécie será no outono [PGL, 09/09/2011]
- Abre ‘Semente’, primeira escola de ensino em galego [PGL, 31/08/2011]
- Ficha de inscriçom
- Facebook Semente
- Web da Semente
- Contacto Semente: sementecompostela [arroba] gmail [ponto] com
- Número de conta para doaçons à Semente (NCG): 2080 0316 29 3000242136
