EPG – Desde o pasado mes de outubro a Escola Popular Galega, por iniciativa de estudantes de Filologia Galega, pujo em andamento umha das suas iniciativas mais ambiciosas: jornadas de tempo livre e lazer para que os cativos e as cativas aprendam língua e cultura galegas.
Umha vez por semana (segundas-feiras às 19 horas) um pequeno grupo de raparigos e raparigas com idades compreendidas entre os 7 e os 12 anos reúnem-se para, com o apoio de um/umha docente voluntária, jogar, brincar, divertir-se, pintar, debuxar, ler… fazendo todo isto em galego.
Cumpre sublinhar que estamos a falar de cativo se cativas da cidade e comarca de Vigo, e polo tanto fortemente castelhanizados/as e com muitas dificuldades para se exprimirem em galego. Desta maneira, através de jogos, leituras e múltiples actividades lúdicas, os cativos e as cativas vam aprendendo galego quase sem se decatarem. Estám previstas também saidas e excursons lúdicas e formativas polo contorno.
A actividade prolongará-se ao longo de todo o curso 2009-2010 e está aberta a mais cativos e cativas. Aliás, no programa lúdico-formativo introducirám-se de maneira transversal conteúdos de educaçom ambiental e de educaçom em igualdade.
