PGL Países Cataláns – Numha entrevista concedida ao jornal espanhol Público, o catedrático Joan Solá reflexiona sobre a situaçom actual da língua vernácula nos Paísos Catalás.
Na entrevista, Solà, que foi galardoado com o Premi d’Honor de les Lletres Catalanes, fala de questons como a inseguridade linguística e afirma que «quando falas em catalám (fora da Catalunya) nom sabes se o que dizes é correcto ou nom, temos umha enorme insegurança».
Umha outra questom que tem cabida na conversa é a possibilidade da desapariçom do catalám via assimilaçom. Na sua opiniom, «o catalám e o castelhano som línguas que se parecem e que historicamente convivírom muito, e por isso fôrom aproximando-se, desafortunadamente sempre na mesma direcçom, a pequena compenetra-se com a grande».
O professor Solà acha que isso explica o descontento dos cataláns com a língua. «Chega um momento no que essa assimilaçom fai com que nom tenhas umha língua autónoma, mas umha sublíngua, e isso tem um nome: patois».
Solà, que responsabiliza aos políticos da situaçom da língua, denuncia os enganos das estatísticas e da propaganda televisiva e reivindica a necessidade de o estado espanhol ser plurilingue.
O linguista ainda se pronuncia sobre os benefícios da independência nacional para salvaguardar umha língua, mas aponta que existem modelos intermédios tal que o da Suíça, o da Bélgica ou o do Canadá.
+ Ligaçons relacionadas:
