A banda e Música SONS E SOÑOS de Rábade, Begonte, Outeiro e Friol, estará acompanhada por UXÍA num concerto único preparado para a ocasiom
O próximo dia 9 de julho, em colaboraçom com a Federación Galiza Cultura
A Casa-Museo Manuel María retoma esta jornada lúdica e festiva que se viu alterada nos dois últimos anos, tanto na data como no seu desenho, pola Covid-19.
A Casa-Museo Manuel María e a Federación Galiza Cultura convidam a particulares e entidades culturais a participarem nesta romaria-foliada ao redor da figura de Manuel María, para celebrar a cultura da Galiza e o trabalho de base que levam a cabo as distintas asociaçons culturais.
O encontro dará começo às 11.30 com a acolhida diante da Casa-Museo Manuel María de todas as pessoas assistentes, para saírem para o cemitério paroquial de Outeiro, onde se fará unha oferenda ao poeta chairego. De ali baixara-se para a paragem natural de Santa Isabel onde se desenvolverá o resto do dia que começará com um concerto único, às 12.30 h, preparado para a ocasiom, da Banda de Música SONS E SOÑOS de Rábade, Begonte, Outeiro e Friol e UXÍA.
À tarde, após o jantar, levará-se a cabo, desde as 16.45 h, umha foliada animada por Xurxo Souto na qual participarám grupos de música tradicional como PARABÉNS, TRADIVIVAS AGRA, BIRLOQUE GAITEIROS, AIRINHOS DO FIOUCO E FOLIADEIR@S DO CASTRO, além do próprio Xurxo, que junto com Richi Casás, interpretará algumhas das suas peças.
Durante a manhá do próprio sábado, na Casa-Museo Manuel María, as juntas diretivas das entidades culturais que conformam a Federación Galiza Cultura, entidade que promove o Convívio junto com a Casa-Museo Manuel María, manterám um encontro para articular a sua atuaçom em comum nos próximos meses.
O programa para este dia será o seguinte:
- 11.30 Receçom de participantes diante da Casa-Museo Manuel María ao som da música de Birloque Gaiteiros.
- 11.45 Saída a pé para a carvalheira de Santa Isabel com parada no cemitério de Outeiro para realizarmos umha oferenda a Manuel María.
- 12.30 Atuaçom, em Santa Isabel, da Banda de Música SONS E SOÑOS de Rábade, Begonte, Outeiro e Friol, dirigida por Armando Morales, e acompanhada pola voz de UXÍA.
- 13.45 Jantar de convívio (cada quem tem que trazer a sua comida e bebida)
- 16.45 Foliada na carvalheira com a atuaçom de PARABÉNS, XURXO SOUTO e RICHI CASÁS, TRADIVIVAS AGRA, BIRLOQUE GAITEIROS, AIRINHOS DO FIOUCO E FOLIADEIR@S DO CASTRO.
Guia a festa: Xurxo Souto.
