PGL – A IV Assembleia Nacional da organizaçom juvenil Isca! (integrada em Galiza Nova), que decorreu no passado sábado, aprovou umha resoluçom de apoio à Iniciativa Legislativa Popular «Valentim Paz-Andrade» para o aproveitamento da língua portuguesa e vínculos com a Lusofonia.
A seguir, reproduzimos na íntegra o breve, mas inequívoco, texto da referida resoluçom:
A IV Assembleia Nacional de Isca! apoia a ILP Paz-Andrade para aproveitar 100% a potencialidade do galego, pulando polo ensino de português no secundário, pola receçom de meios portugueses na Galiza e polo relacionamento com os países de língua oficial portuguesa. Porque a nossa língua é internacional!
Cumpre lembrar que, conforme noticiado no PGL, recentemente foi alargado até 8 de março o prazo de recolhida de assinaturas da ILP Valentim Paz-Andrade. No sítio web da inciativa indicam os lugares em que se podem encontrar as folhas para a assinatura. Além disso, da equipa promotora confirmárom ao Portal que recolherám assinaturas na manifestaçom pola língua do vindouro 27 de janeiro, como já se fizo no fim-de-semana com motivo do festival Cantos na Maré.
Como em anteriores ocasiões, da direçom de Isca! convidárom a Associaçom Galega da Língua (AGAL) a enviar umha delegaçom para o ato de encerramento. O Conselho da AGAL estivo representado polo presidente, Miguel R. Penas, e o vogal Gerardo Uz.
Em primeiro termo, o presidente da AGAL, Miguel R. Penas,
junto a outros convidados institucionais
