PGL – Imperdível e ATRAVÉS|EDITORA estarám presentes no Achegarte 2011. O evento decorre os dias 2 e 3 de abril, de 11h30 a 14h30 e de 16h30 a 22h —no domingo encerrará umha hora antes—, no Palácio de Exposiçons e Congressos da Corunha (Palexco). As entidades participantes somam 114, entre livrarias, editoras, associaçons, teatro, dança ou áudio-visual.
Achegarte nasceu em 2009 para preencher um vazio. Na altura, o atual governo da Junta decidira nom apoiar o projeto Cultur.gal, feira das indústrias culturais galegas, e a Concelharia da Cultura da Cámara corunhesa promoveu o Achegarte. Felizmente, e já com o Culturgal a fazer parte da agenda cultural, o Achegarte caminha para a sua consolidaçom como local de encontro da cultura galega numa das cidades chave do nosso país, a Corunha.
As linhas estratégicas deste evento som:
- Maior protagonismo ao ámbito da criaçom e dos criadores.
- Incorporar a cultura de base, a cultura amadora e a sociocultura.
- Contribuir a difundir e visibilizar os produtos culturais galegos.
- Conetar com o público.
A Associaçom Galega da Língua (AGAL) estará presente com os materiais da loja Imperdível e da Através | Editora na pessoa de Tiago Peres.
Apresentaçom de Noente Paradise
No expositor de Toupa.net terá lugar o lançamento de Noente Paradise, da cantora Ugia Pedreira. Será a 2 de abril às 13 horas. As pessoas interessadas também poderám comprar o livro que, por sinal, também está no posto da Imperdível/ATRAVÉS.
+ Ligaçons relacionadas:
