PGL – Colectivos culturais organizam a primeira ediçom da feira cultural AcheGarte com a intençom de manter o espírito do Cultur.gal, suprimido pola Junta. O novo encontro para a indústria cultural galega celebrará-se na Corunha, no pavilhom do Palexco, entre os dias 28 e 29 de novembro.
Segundo o programa de actividades, na feira haverá tempo para diferentes disciplinas como as artes cénicas, as novas tecnologias, o audiovisual, a dança, a música, a animaçom ou as artes plásticas, que estarám representadas por mais de 60 empresas, associaçons profissionais e instituiçons dedicadas à criaçom de produtos culturais galegos.
A concelheira nacionalista da câmara da Corunha, Maria Xosé Bravo, criticou a supressom de ajudas económicas do actual governo do PP referindo que «perante a decisom da Junta de nom apoiar o Cultur.gal, um grupo de pessoas iniciou unha campanha para fazer a grande festa da cultura galega, mesmo sem ajuda da Conselharia para a Cultura. Juntando a capacidade de muitos para faze-lo possível, nós pensamos que deveríamos estar aí».
