PGL – A Deputaçom da Corunha, com a organizaçom e gestom da Coordenadora de Trabalhadores/as de Normalizaçom da Língua (CTNL), promove o III Encontro de política lingüística nas administraçons locais da Corunha, que terá lugar em 21 de outubro no Paço de Marinhám, em Vergondo.
O encontro tem por objectivo fomentar o contacto entre os/as distintos/as responsáveis políticos/as e técnicos/as das administraçons locais da Corunha para, conjuntamente, partilhar experiencias e analisar possibilidades de acçons en matéria de normalizaçom lingüística.
No acto, podem participar presidentes e presidentas das câmaras municipais da Corunha; responsáveis políticos/as municipais da área de política lingüística; técnicos/as de normalizaçom lingüística dos municípios e também entidades implicadas na normalizaçom lingüística como instituçons, associaçons, empresas etc.
Entre os temas a tratar, a organizaçom do evento estabeleceu 5 pontos:
1.- Políticas lingüísticas em concelhos rurais de maioria galego-falante
2.- Colaboraçom e coordenaçom entre os SNL locais e a SGPL da Junta da Galiza. A rede de dinamizaçom lingüística
3.- Propostas e possibilidades de desenvolvimento conjunto de acçons entre a deputaçom e os concelhos da província
4.- 25 aniversário da Declaraçom de autarcas em Compostela
5.- Um exemplo de projecto de planificaçom lingüística. O modelo Burela
O acto, tem confirmada a participaçom do actual secretário-geral de política lingüística, Anxo Lorenzo, assim como do presidente da RAG, Xosé R. Barreiro, o jornalista Xosé M. Pereiro ou o ex-presidente da Associaçom Galega da Língua, Bernardo Penabade, que falará do sucedido modelo Burela.
+ Ligaçons relacionadas:
- Mais informaçom e programa completo na página da CTNL
- Primeiros resultados do modelo inegrador [PGL, 26/02/2009]
- Modelo Aditivo de Política Linguistica, O antidoto contra o integrismo dogmático [PGL, 23/02/2009]
- Guárdia Civil e o «Modelo Burela» [PGL, 28/11/2008]
- Bernardo Penabade: «O Modelo Burela poderia aplicar-se em todo o País» [Velho PGL, 21/07/2008]
