A IMPROVISAÇOM ORAL NAS COMUNIDADES EDUCATIVAS: MÚSICA, LÍNGUA e GÉNERO
A proposta divulgativa é realizar umha série de palestras sobre diversas experiências entorno á improvisaçom oral na educaçom, na família, na sociedade, no teatro, na cozinha… tendo em conta três fatores básicos: música, língua e género.
Asistirám educadoras e educadores da Galiza, Euskadi e Cataluña.
PRESENTAÇOM: Quarta-feira 13 às 16:30 na cafetaria LASSO do Auditório da Galiza. Umha experiência única arredor da cozinha improvisada e regueifada de Pía Lago, os segredos do mandil de Sofía Tarela (Garota da Ribeira) e os contos dos velhos repentistas de Xurxo Souto. Podeis vir tomar umha merenda improvisada entre tod@s.
OBRADOIROS: Quinta 14 e Sexta 15 de dezembro de 16:30 a 19:30 no Salóm de Actos do MUPEGA (Santiago de Compostela).
Teremos teatro improvisado com Vero Rilo, o Clube da Regueifa da Semente, presentaçom do livro “Metodoloxía didáctica do repente galego” e palestras para conhecer melhor a situaçom do repentismo na Galiza, Euskal Herria e Catalunha.
FOLIADA ABERTA DE REPENTE: Quinta-feira 14 às 22:00 horas no Pub Gramola (Praça Cervantes). Umha oportunidade única para partilhar emoçons com Bertsolaris, Glosadoras e Regueifeiras. Participarám todas as ponentes das jornadas. Um espaço de interacçom, aberto ao público em geral, que convida a vivi-lo de jeito activo e participativo.
Todas as actividades dos três dias som gratuítas. As persoas que gostem de participar podem apuntar-se no correio oral@regueifa.org ou acudir diretamente à actividade por se ficam praças livres.
Com esta mostra pretende-se modernizar a creaçom cultural desde o âmbito escolar, familiar e social actualizando a nossa tradiçom. A Regueifa é um importante elemento do património cultural inmaterial galego, e a Glosa e o Bertso som umha parte moi importante do imaginário tradicional dos seus países. Assi pois, partindo das experiências de cada umha das persoas participantes tentaremos achegarnos a um feito diferencial único que, desde a raíz da identidade própria, nos faga seguir improvisando para ser mais livres.
Descarregar díptico:
