A.C. Almuinha de Marim realizará a I Foliada da Festa da Lingua, no quadro da programaçom da VI Festa da Lingua, que tradicionalmente organizam com motivo do Dia das Letras Galegas. A Foliada será o vindouro sábado, 11 de maio, a partir de 21h30 no Multiusos de Marim, e todas as pessoas que sairem a tocar estám convidadas a cear.
A diferença doutros muitos lugares, “em Marim nom se organizam Seráns nem Foliadas”, afirmam, polo que da Almuinha querem pôr da sua parte na promoçom das nossas festas e da nossa cultura popular, aguardando que tenha continuidade nos vindouros anos.
Nesta VI Festa da Lingua modificarám um pouco o formato a respeito de anos anteriores, pois querem fazer umha Festa da Lingua mais participativa e festiva, polo que animam todas as pessoas que toquem música tradicional a irem com os seus instrumentos a gozar e participar da Festa.
Aproveitam, igualmente, para informar desde já da programaçom confirmada a dia de hoje para a VI Festa da Lingua:
Na Alameda de Marim (18h00)
– Contacontos: Codia e Miolo
– Monicreques (A.C. Almuinha)
– Bookcrossing (Livros Viageiros)
No Multiusos (20h00)
– Apresentaçom Livros: 1) “Viagem ao Curdistám para apanhar estrelas” de Séchu Sende; 2) “Mordida” de Ugio Outeiro.
– I Foliada da Festa da Lingua
– Ceia
