PGL – O portal de contra-informaçom Galizalivre.org reproduz o texto de umha interessante palestra que o galeguista Fuco Gomes deu em Bezerrã no ano 1932. O texto da conferência, publicado pola editora Nós, já tinha sido digitalizado por Celso Álvarez Cáccamo para Versão Original.
No documento original, a palestra de Gomes vai precedida de umha apresentaçom em castelhano e de umha breve reflexom sobre os critérios lingüísticos da versom escrita da conferência, que trata da atitude dos galegos perante as necessidades da Galiza.
Nota aos usos ortográficos na palestra de Fuco Gomes
Juventude militante
Fuco Gomes (Bezerrã, 1895—Havana, 1972) viveu em Cuba a maior parte da sua vida desde que chegou à ilha caribenha em 1913, e já de muito jovem participou activamente nas iniciativas dos galegos emigrados ou exilados. Em diferentes publicações defendeu o nosso idioma e a independência da naçom galega.
Além do seu trabalho teórico, participou também na constituiçom das primeiras organizações políticas galegas, como a Irmandade Galega da Havana (1917) ou o Partido Autonomista Galego (1919), entre outras.
Aquando a II República espanhola (1931-1939) voltou à Galiza para defender as posições independentistas, motivo polo qual lhe viraria as costas boa parte do galeguismo da altura.
+ Ligações relacionadas:
