PGL – Quase dous meses depois do seu passamento, a editora Galaxia homenageia este serão em Vigo a memória de Francisco Fernández del Riego, um dos fundadores da empresa e ex presidente da Real Academia Galega.
O ato, que inicia às 19h30 na sala de conferências do Centro Social Novacaixagalicia (Rua Policarpo Sanz 24-26), contará com as intervenções d oatual diretor de Galaxia, Víctor Freixanes; do presidente do Conselho da Cultura Galega, Ramón Villares; o presidente da RAG, Xosé Luíz Méndez Ferrín; o presidente da Associaçom Galega de Editores, Manuel Bragado ou o vice-presidente da Fundaçom Penzonl, Alfonso Zulueta de Haz, entre outros pessoeiros.
Perfil
Francisco Fernández del Riego (Lourençã, 7 de janeiro de 1913 – Vigo, 26 de novembro de 2010), foi o derradeiro expoente de umha geraçom que marcou profundamente a língua e cultura galegas, presente, como o seu bom amigo Carvalho Calero, nos principais acontecimentos do País durante o século XX.
Junto Ramón Piñeiro e Xaime Illa Couto, Del Riego ajudou a fundar a editora Galáxia no ano 1950, sendo portanto fulcral o seu labor na linha culturalista do galeguismo de meados da passada centúria. Também no seio da editora criou a revista Grial, em 1963 a qual ele próprio dirigiu nos primeiros cem números. Só três anos anos ingressara na RAG, instituiçom que presidiria entre 1997 e 2001, sucedendo Domingo Garcia-Sabell.
+ Mais informaçom:
- Fernández del Riego: um adeus no ano Carvalho Calero [PGL, 27/11/2010]
