Lei Paz Andrade volta a reunir todos os partidos em prol do reforço dos vínculos com a Lusofonia
Amanhá, dia 25, às 20h da tarde, começa a primeira gala de entrega de prémios de Arritmar, um evente ideado e organizado pola Escola Oficial de Idiomas de Santiago de Compostela para promover o conhecimento da poesia e da música atual das duas beiras do Minho. Numha conferência de imprensa realizada na semana passada, em que participárom Valentín García (de Política Lingüística), Anxo Lorenzo (de Cultura), Branca Novoneyra (responsável de Açom Cultural do Concelho de Santiago), Gonzalo Constenla (diretor da EOI de Santiago) e a poeta galardoada Maria do Cebreiro, salientou-se que evento nasce acompanhando outras açons com que a Junta desenvolve a conhecida Lei Paz-Andrade para reforçar os laços entre a Galiza e Portugal e dar a conhecer artistas mui conhecidos num país mas completamente desconhecidos no outro.
O galego Xabier Díaz, a banda rap portuguesa Capicua e os poetas Jose Ricardo Nunes e María do Cebreiro vam ser os protagonistas da gala de entrega de prémios. A entrada é livre e gratuita até completar a capacidade do teatro. Toda a informaçom para a obtençom de bilhetes está disponível em www.eoisantiago.org.
A I ediçom de aRi(t)mar Galiza e Portugal realiza-se a iniciativa da equipa de dinamizaçom da língua galega (EDLG) da EOI de Santiago de Compostela. Conta com o apoio das secretarias gerais de Política Lingüística e de Cultura, assim como com os do Concelho compostelano e da Deputaçom da Corunha.
As peças premiadas fôrom, por modalidades: melhor tema musical galego (“Cantiga da montaña”, de Xabier Díaz & Adufeiras de Salitre), melhor tema musical português (“Medusa”, de Capicua), melhor poema galego (“O corazón”, de María do Cebreiro) e melhor poema português (“Não sei, minha filha…”, de José Ricardo Nunes).
Partilhar
