A única certeza que tirárom os resultados eleitorais que decorrérom no grosso do território galego que ainda fica sob a administraçom espanhola foi que, se só do Governo depender, nada mudará para a língua: continuará a perder utentes, qualidade e prestígio social.
Neste contexto acho urgente a divulgaçom da norma AGAL entre toda a populaçom, com ou sem reconhecimento oficial. Proponho focalizarmos o esforço nos meios de comunicaçom e apresento duas opções:
-Reforçar algum dos poucos meios que estám a utilizar a norma AGAL para aumentarem conteúdos, frequências de publicaçom ou experimentarem novos formatos.
-Organizar umha convocatória entre os que usam a norma RAG (por volta de cem) para a trocarem pola norma AGAL.
Entre os meios candidatados deveria ser eleito no mínimo um que permitisse a melhor consecuçom dos objetivos de divulgaçom e qualidade previamente fixados. Além de fornecer recursos e orientaçom, cumpriria um esforço económico que ultrapassasse as miserentas ajudas do Governo para as publicações periódicas em galego.
Se nom me engano só o Nós Diário ficaria fora da capacidade económica da nossa associaçom para facilitar o passo do galego-castelhano ao galego-português.
