Festas da rua de Baixo em Santiago de Compostela

Diário Liberdade – Se ao longo do País as notícias sempre som para criticar as festas das cidades e dos bairros por elitistas e espanholistas, desta vez a nossa felicidade é grande por anunciarmos todo o contrário: umha autêntica festa popular e galega.

E todo aqui ao ladinho, na capital do País. Nom a perdais!

Graças ao esforço da Associaçom de vizinhos e vizinhas As Marias, a compostelana Rua de Baixo vai ter mais um ano de festas populares e em galego.

Um viçoso leque de actividades e umha grande preocupaçom por fazer umhas festas com artistas do País e no nosso idioma escrito na nossa grafia, som os ingredientes deste popular bairro compostelano.

Orquestras a tocarem cançons populares galegas ou de bandas míticas da música galega como Os Tamara, dança, foliadas, música tradicional, polvo à feira, actividades de jogos e desportos galegos como a chave, resgate da tradiçom do farol e a guirlanda, prémios… som algumhas das actividades das quais poderemos desfrutar todos e todas as que nos acheguemos pola capital a começos de Setembro.

Cartaz das festas (prima aqui para alargar a imagem)

E nada melhor para apoiar esta formosa iniciativa que assistir à festa e desfrutar de um lazer em galego, direito do que deveríamos gozar todos os galegos e galegas mas que tam difícil resulta encontrar, especialmente nas nossas cidades onde a imposiçom do espanhol é esmagadora.

Aqui tendes o programa para as Festas da rua de Baixo os dias 2, 3 e 4 de Setembro:

Dia 2

• 19h00 Obradoiro de faróis e guirnaldas
  na fonte da rua de abaixo
• 20h30 “Lembrando o bairro: os bailes”
  no Bar Leis

Dia 3

• 20h00: ruada musical
• 21h00: Início da festa e discurso de benvinda a cargo de Isa Mancebo
• 21h00: astronomia na beirarrua (vamos ver as estrelas!)
• 21h30: entrega do prémio ao farol ou guirnalda mais bonito
• 22h00: Concertos:

– Tiroliro Regueifeiros

– Bouba Pandeireteiras
– Os Estalotes
– … e ao acabar… foliada

• Haverá polvo à feira

Dia 4

• 11h00: Ruada com cabeçudos, bombas de palenque e música tradicional
• 13h00: Pregom a cargo de Jose do 13 e Rebeca Montero (vizinha)
• 13h30 Vermu amenizado polo duo EVA E CAMILO

teremos prémios para os bailadores/as mais animadas e POLVO À FEIRA

• 17h00 FESTIVAL INFANTIL:
  – Troco infantil (troca por outra cousa os teus contos, bonecos, bolas, disfarces…
  – Jogos populares
  – Mural colectivo na rua
  – Pinturas de cara
  – 18h00: Obradoiro de Globoflexia
  – 19h00: Títeres Cascanueces: “A rua dos fantasmas”
• (toda a tarde) Mercado de roupa e cousas de segunda mao
• 19h30 Campeonato de chave
• 21h00 Contos do afiador Rodesindo da Barrosa (espectáculo de Pepe Penabade). Podedes levar facas e navalhas para afiar!
• 22h00 Concertos:
  – Coro da Rá
  – Duo Eva e Camilo
  – Cé Orquestra Pantasma (homem orquestra)