Festas da língua para o fim-de-semana

PGL – Para este fim-de-semana, diferentes centros sociais e colectivos organizam actos lúdicos para a exaltaçom da nossa língua por diferentes localidades do país. Eis umha pequena escolma.

14 de maio

O Centro Social Revolta (Vigo), começa hoje a celebraçom do dia das nossas letras com umha festa no local . A partir das 18h30 haverá petiscos e projecçons. Mais tarde, perto das 22h e antes de que os estradenses Esquios subam ao cenário, procederám à entrega da camisola às/aos membros da equipa de bilharda que representarám o centro social no II Aberto de Bilharda da comarca de Vigo a jogar no torreiro de Bembrive o sábado 15 às 16h.

Já no norte, o Colectivo Cultural ‘O Buril’, de Burela, comemora este ano o Dia das Letras com a participaçom na manifestaçom do vindouro dia 17, e através de um mural com a legenda «Na Galiza, 365 dias em galego», situado num dos muros exteriores do pavilhom Vista Alegre da localidade marinhá.,

Com esta criaçom, aludem à «farsa» que representa um dia «em que se pretende dar umha imagem de normalidade para o nosso idioma, quando a realidade nos diz que perdemos milhares de falantes por ano e que ainda nom podemos utilizar a língua com normalidade em todos os ámbitos da nossa vida diária».

Ainda, hoje, dia 14, projectam o filme Pradolongo, do realizador Ignacio Vilar. Será às 20 horas na sala de usos múltiplos da Casa da Juventude burelá.

De volta no sul, em Vigo, a associaçom vicinal de Lavadores (Rua Ramón Nieto  nº 302) organiza um concerto pola língua que começará às 21 horas e no qual actuarám:

• As Tarambainas: grupo de pandeireteiras que recentemente protagonizou a actualidade informativa galega quando um concurso espanhol denigrou as componentes e a música tradicional da Galiza
• Rebeliom do inframundo: grupo de hipe-hope de Ponte Areias
• O Leo i Arremecághona: o sobejamente conhecido cantor natural de Mata Má

15 de maio

Em Vigo, A Associaçom Cultural Obreira Maçarico organiza umha Festa da Língua no Furancho Malaherba (praça de Sam Mauro, Mata Má). Entre as actividades, jantar popular, café-tertúlia, sardinhada, concerto (Rebeliom do Inframundo e KaveGZ) e foliada (animam o pessoal a trazer o seu instrumento).

Programa da festa do Maçarico
[prima na imagem ou aqui para ver o programa e outras informaçons]

Em Ponte Vedra, a Festa da Língua 2010, organizada polo Centro Social Revira, incluirá actividades variadas desde primeiras horas da manhá na praça da Verdura, com jogos populares, livros viageiros, conta-contos ou passa-ruas. As actividades centrais serám o Jantar Popular, na praça da Pedreira (para o qual é preciso inscrever-se em centrosocial[arroba]revira.org) e o Concerto pola Língua, que terá lugar no recinto feiral às 22h. Subirám ao cenário os grupos Second Army, Contra as Cordas, Descartes Band, Royalties e Leo i Arremecaghona.

A seguir reproduzimos o programa na íntegra.

FESTA DA LÍNGUA 2010 (Ponte Vedra)

MANHÁ (Pç. da Verdura)

Jogos populares

• 11h Livros Viageiros
• 12h Passa-ruas musical
• 12:30h Contacontos
• 14h Leitura do Manifesto14:30 JANTAR POPULAR

(Pç. da Pedreira)
(cumpre inscrever-se previamente no local ou em centrosocial[arroba]revira.org)

TARDE (Pr. da Verdura)
Jogos populares
Projecçom de vídeos sobre a língua

• 16h Karaoke em galego
• 17:30h Pandeireteiras Maravalhada
• 18:30 Charanga

NOITE (Recinto Feiral)

• 22h -CONCERTO POLA LÍNGUA

Second Army
Contra as cordas
Descartes Band
Royalties
Leo i Arremecaghona

Como diz a Revira no manifesto divulgado com motivo da festa, «temos língua, somos um povo; temos força, esperança e a razom. Aguardamos que o dia de hoje seja umha festa de convívio, normalidade e alegria […]. Aguardamos que seja umha amostra do que queremos construir, do que queremos que sejam todos os dias do ano».

Já em Ourense, o CS A Esmorga é o lugar donde parte um roteiro literário organizado pola Cámara Municipal. Arranca do local social às 18 horas, às 19h30 da praça de Sam Martinho, às 21h estará no Café Cultural Auriense, às 22h30 Trampitán e às 23 na praça de Sam Marcial. Podem consultar o programa na íntegra clicando aqui.

Nova ediçom da «Festa do Dezassete…»

… que se fai o 15 de maio. Nova ediçom da festa que cada ano organiza a Gentalha do Pichel por volta do Dia das Letras. A seguir reproduzimos o completo programa que nos depara a associaçom compostelana:

FESTA DO DEZASSETE… QUE SE FAI O 15 (Compostela)

CAMPO DA FESTA (Porta do Caminho)

• 11h00: Saída da ruada pola cidade
• 13h00: Apresentaçom da Festa e Sessom Vermu com EVA e CAMILO
• 14h00: Jantar Popular.: empada, churrascada, vinho, pam, café e sobremesa 15€ (comprar bono no Pichel)
• 21h00 CONCERTOS:

Cé Orquestra Pantasma
Medomedá
Os da Ria
Leo i Arremecághona

• 17h00

ESPAÇO “JOGOS POPULARES” (Parque de Belvis)
Aberto de Bilharda da Lusofonia e jogos tradicionais

ESPAÇO SCEA (Pracinha das Ánimas)
Exibiçom de esgrima antiga

ESPAÇO AGARIMAR (diante do Museu do Povo Galego)
Merenda e actividades para crianças: Globofléxia com Nilsom, contos musicados com Servando e jogos de pintura.

• 17h30

ESPAÇO “CONVERSAS” (Pracinha da Oliveira, bar As Duas)
COLÓQUIO: Entendemo-nos? A emigraçom lusófona em Compostela (com participantes de diferentes países lusófonos)

ESPAÇO “TRADIÇOM” (Praça do Pam – Cervantes-)

• 18h00: Feira do Associativismo
• 19h00: Festival de música tradicional com

Pandeireteiras da Escola de Brincadeira
Grupo de Gaitas da Gentalha
actuaçom de TANTO NOS TEN

18 de maio

A Agrupaçom Cultural ‘O Facho’, da Corunha, realiza às 12h30 umha oferenda floral nos jardins de Mendes Nunes, diante do monumento a Curros Henriques. Ali falará o presidente do colectivo, José Luís Rodrigues Pardo, quem dará a conhecer os nomes das pessoas ganhadoras dos prémios convocados pola agrupaçom. Estes prémios serám entregues no dia 22.

Já às 20h, no local da Fundaçom CaixaGalicia (Cantom Grande, Corunha), o poeta e ensaísta,Júlio Lopes Valcárcel falará sobre a figura de Uxío Novoneyra numha intervençom intitulada Uxío Novo Neira, poeta da Terra.