PGL – Ixion, Avante e DJ Borja Neves actuarám no C.S. O Pichel de Compostela. No enquanto, a Associaçom Galega de Maes e Pais “Agarimar” organiza no seu local de Vigo um obradoiro de preparaçom para a festa do Samaim.
Em Compostela, no Pichel haverá umha série de actuaçons ao vivo com motivo da Festa Heavy. Às 22 horas Ixion começará a fazer sonar a distorsom, seguido do rock de Avante a isso das 22.45 h e o pica-discos Borja Neves, mui perto da meia-noite.
Ao sul, em Vigo, Agarimar ajuda a preparar a noite de Samaim, que marcava o fim da época luminosa do ano e o começo do tempo escuro segundo a tradiçom celta. Para continuar esta rito comum à Europa occidental, estendendo-se pola Galiza, Portugal, norte da Península Ibérica ou Irlanda, Agarimar convida a levar as cabaças e fazer as caveiras no espaço para para a criança Folhas Novas, situado no local da associaçom (Rua Real, nº 12). No encerramento, descerá-se à Praça do Berbés para somar-se à festa vicinal de entrada no tempo escuro.
+ Ligaçons relacionadas:
- Sexta 29, Festa Heavy [Gentalha do Pichel, 24/10/2010]
- Festa do Samhain em Agarimar [Agarimar, 23/10/2010]
- Blogue da Gentalha do Pichel
- Blogue de Agarimar
