PGL – A Sala Nasa de Compostela acolhe esta noite a festa de apresentaçom na que participarám musicalmente as bandas “Sacha na horta”, “Ataque Escampe” e “Arremecaghoná Produçions”.
O bilhete de entrada tem um custo de 10 euros e pode adquirir-se no Pichel, A Reixa, Gong e a web da própria Sala Nasa.
Carlos Barros (director do Novas da Galiza) e Marcos Payno (representante de Komunikando), afirmárom ontem no evento de apresentaçom em que se deu a conhecer o projecto ao público que o trabalho tem como objectivo unificar os propósitos musicais e jornalísticos de duas entidades convergentes na defesa de um espaço de trabalho e difusom transmitido na nossa língua, num momento especialmente dramático. Ademais, Novas da Galiza e Komunikando tencionam ajudar com este trabalho à normalizaçom e promoçom do uso do galego na oralidade entre os grupos de idade mais novos.
Quanto ao exclusivamente musical, o CD recolhe temas inéditos de bandas como Bonovo, Banda Potemkin, Taru e os paxaros coiro, Ataque Escampe, Novedades Carminha, The Homens, Projecto Mourente, Fanny e Alexander, GalegoZ, Sacha na Horta, Festicultores, Skárnio, Zimmer 103, Nao, Chiquilicuatres, Os 3 Trebóns, O En-Riquinho (Arremecaghona’s Produçións), Planeta grelos e Magnifique Band.
O disco, co-editado por Novas da Galiza e Komunikando.net, estará desde hoje disponível para a venda a um preço de 8 euros.
+ Ligaçons relacionadas:
- Apresentaçom do projecto musical “Vozes Novas” [PGL – 04/06/2009]
- Chegan as ‘Vozes Novas’ da música galega [Vieiros]
- Mais informaçom em Komunikando.net
