PGL – O jornal Novas da Galiza e o portal web Komunikando.net trabalham conjuntamente na elaboraçom dum CD com temas inéditos de 15 bandas da Galiza que cantam no nosso idioma.
Entre as bandas encontram-se “Ataque Escampe“, “GalegoZ,” “O Leo i arremecaghoná“, “Sacha na Horta“, “Festicultores“, “O Sonoro Maxín“, “Dios Ke Te Crew“, “A Compañia do Ruído“, “Xurxo Souto“, “NAO“, “Skárnio” ou “Novedades Carminha“.
O projecto tem como objectivo unificar os propósitos musicais e jornalísticos de duas entidades convergentes na defesa dum espaço de trabalho e difusom transmitido na nossa língua. Ademais, Novas da Galiza e Komunicando tencionan ajudar com este trabalho à normalizaçom e promoçom do uso do galego na oralidade entre os grupos etários mais novos.
A Sala Nasa de Compostela acolherá a festa na que as entidades galegas promotoras do projecto apresentarám o CD, e na que participarám musicalmente as bandas “Sacha na horta”, “Ataque Escampe” e “Arremecaghoná produçions”. O bilhete de entrada antecipado tem um custo de 8 euros e pode adquirir-se no Pichel, A Reixa, Gong e a web da própria Sala Nasa. O dia do concerto o preço será de 10 euros.
+ Ligaçons relacionadas:
