PGL – A turma da Equipa de Normalizaçom da Língua Galega (ENLG) do IES A Sangrinha, na Guarda, prepara umhas jornadas lúdico-reivindicativas sobre o nosso idioma para os dias 23, 24 e 25 deste mês, coincidindo com o aniversário do nascimento de Rosalia de Castro (24 de fevereiro).
Do estudantado lembram que «som muitos os frentes abertos contra o nosso idioma», por isso acham a Festa da Língua ser o melhor modo de se aproximar dos problemas com que se topa o galego. Procuram umha focagem «entretida», mas sem deixarem de lado a reivindicaçom.
Aproveitando a ocasiom, será realizado um mural de palavras galegas, o ‘Verbarium’, que servirá de testemunha da atividade. Para poder participar na sua elaboraçom há que se achegar ao centro o dia 23 às 17h30 ou o 24 e 25 às 18h, às portas do instituto.
Programa
- Dia 23 às 18h30. Palestra de Carlos Callón, presidente da Mesa pola Normalizaçom Lingüística
- Dia 24 às 19h. Palestra de Séchu Sende, autor de Animais
- Dia 25 às 18h30. Mesa redonda de organizaçons estudandis com AGIR e os Comités. Às 20h, tributo a Rosalia de Castro com Tino Baz.
+ Ligaçons relacionadas:
- A estratégia luso-brasileira no IES da Sangrinha [PGL, 23/11/2010]
- Palestra da AGAL no IES A Sangrinha da Guarda [PGL, 05/11/2010]
