PGL – A Fundaçom para o Estudo da questom Social e Sindical na Galiza (FESGA) apresentou o caderno O galego com humor. Esta obra está composta por doze quadrinhos de seis humoristas gráficos galegos e nos quais se dá umha visom particular sobre a situaçom da nossa língua.
Os seus autores, som desenhadores tam conhecidos como Luís Davila Malvido, Gonzalo Vilas, Pepe Carreiro, Xico Paradelo, Xaquín Marín e Xosé Lois González (O Carrabouxo).
D’O galego com humor fizo-se umha tiragem de 5.000 exemplares acompanhada de 30 mil auto-colantes nos quais se reproduzem quadrinhos de cada um dos autores.Todo o material será distribuído nos locais que tem polo país a Confederaçom Intersindical Galega (CIG) e nos centros de ensino da Galiza.
Da organizaçom sindical consideram que o uso do humor como instrumento de denúncia recolhe a tradiçom do povo galego, «que através da retranca foi quem de caracterizar todas as realidades». Por sua parte, Luís Davila, um dos autores, acha que «o humor gráfico permite comunicar ideias de forma rápida e chega a todo o público com mais eficácia».
+ Ligações relacionadas:
- Fesga presenta o caderno gráfico “O galego con humor” [CIG/Avantar, 02/12/2008]
