O Concelho de Ferrol promove a celebraçom de dous roteiros abertos, gratuítos e destinados ao público geral, num percurso pola cidade de hora e meia, com paragens em lugares marcantes acompanhados do relato que situa a figura e obra de Carvalho Calero sobre o terreno.
Serám os dias 21 de março e 18 de abril, com saída às 11h da Praça Velha e fim às 12:30 em Esteiro. É necessário inscrever-se em info@rexenerando.com
Encarrega-se da atividade a cooperativa ferrolá Rexenerando que se soma à celebraçom e reivindicaçom do intelectual a quem se dedicam este ano as Letras Galegas e oferece umha série de atividades, dirigidas a centros de ensino, coletivos e outras entidades.
O roteiro “Ferrol com Carvalho Calero“, também é oferecido a grupos de Educaçom Secundária, e já foi realizado por 15 turmas de escolares.
Ademais, Rexenerando acrescenta, na oferta de atividades centradas no ilustre ferrolám, um obradoiro para Educaçom Primária, “Ricardo: do neno ao Mestre”, e outro para Educaçom Secundária e grupos de pessoas adultas “Carvalho Calero: um espaço, um tempo, um criador”. Neles, afunda-se na figura e os valores de Carvalho Calero de forma amena e significativa.
