PGL – No que diferentes informaçons qualificárom de «tenso pleno», o presidente da RAG, Xosé Luís Méndez Ferrín, formalizou ontem a sua demissom à frente da instituiçom. O escritor também anunciou que nom irá continuar sequer como académico, consideraçom que logrou há treze anos.
Nas declaraçons que realizou após formalizar a renúncia, Ferrín criticou as «forças internas e externas» que, na sua opiniom, «atentam» contra a Real Academia. Precisamente, quando anunciou as suas intençons há só duas semanas, o já ex-presidente aludira a umha espécie de confabulaçom interna, e o secretário da RAG, Xosé Luís Axeitos —que temporalmente assumirá a Presidência— acusava numha entrevista o ILG e o CCG de «colonizar» a instituiçom. Cumpre lembrar que vários dos académicos pertencem no ILG, boa parte dos quais quais entraram na instituiçom na última década. Mais ainda, Axeitos denunciava pressões por parte do ILG e da CCG para a RAG retirar o recurso que tem interposto contra o decretaço antigalego da Junta —o Decreto do plurilingüismo—, ao qual a Real Academia se teria negado.
Como indicado, Axeitos chefiará temporalmente a instituiçom, no mínimo até a convocaçom de novas eleiçons na RAG. A apresentaçom de candidaturas à Presidência da instituiçom realizará-se antes de três meses.
Momentos delicados
Além da divisom interna, a situaçom económica da Real Academia é também muito complicada, com descida nas ajudas públicas. Mesmo se insinuava em finais de 2012 um possível expediente de regulaçom de emprego (ERE) entre os trabalhadores da RAG, o que poderia implicar despedimentos. Neste contexto, a continuidade de Ferrín na RAG levava tempo a ser colocada em causa por mor das referidas acusações de nepotismo: a filha e o genro de Ferrín trabalham na Real Academia. Há só umha semana, Ferrín recusou-se a explicar para a Rádio Galega a situaçom laboral dos seus familiares e resolveu esse ponto da conversa com um «sem comentários».
+ Ligações relacionadas:
- Ferrín [artigo de José Alberte Corral para o PGL, 28/02/2013]
- Ferrín deixa a Presidência da RAG entre críticas ao ILG e o CCG por «colonizar» a instituiçom [PGL, 26/02/2013]
- Dicionário online da RAG acumula três semanas de demora [PGL, 06/03/2012]
- Chora Ferrín de alegria? [PGL, 10/02/2012]
- Sentença em espanhol apoia-se na RAG para denegar a galeguizaçom reintegracionista dos apelidos de umha vizinha de Ponte Areias [PGL, 07/01/2011]
- «Por prática e tradiçom», RAG usará português para neologismos [PGL, 14/07/2010]
- Valentim R. Fagim e Joám Lopes Facal respondem declaraçons de Ferrín contra o reintegracionismo [PGL, 21/04/2010]
