PGL – O presidente do Governo, Alberto N. Feijóo, rejeitou a solicitude de reuniom da plataforma Queremos Galego. Feijóo delega a sua responsabilidade no Secretario Geral de Política Lingüística, Anxo Lorenzo, quem afirmou repetidas vezes que a plataforma nom tinha estabelecido qualquer contacto com o governo.
Numha carta enviada como resposta á solicitude de entrevista por parte de Queremos Galego, o presidente da Junta rejeita reunir-se com a plataforma. De Queremos Galego consideram «um mal sintoma» o «desdém» de Alberto Núñez Feijóo, «que nom quer nem escuitar a quem pede o cumprimento da lei e dos tratados internacionais sobre direitos lingüísticos».
Perante a atitude do presidente, responsáveis de Queremos Galego manifestárom que «se a Junta nom recua na sua intençom de diminuir a presença do galego no ensino, convocaremos um paro geral que tem todos os visos de se converter em histórico, porque as comunidades educativas estám muito preocupadas polos conflitos que o actual governo está a provocar polos seus ataques contra o galego».
