MANIFESTAS é un projeto musical que reivindica o papel protagonista das vozes femininas que da cena musical galega, umha conquista que junto com a língua e a naturalizaçom da tradiçom tenhen sido eixos da boa saude da música galega dos últimos anos.
“MANIFESTAS Vol. I” é a primeira entrega dumha série de EPs em que Fanny & Alexander remisturarám músicas de algumhas das mais poderosas vozes da cena galega. Umha proposta, tam simples como complexa de executar no musical, que deixa as canções nudas das suas roupagens originais para voltar construi-las a partir dos próprios alicerces vocais em forma de reinvençom em chave eletrónica, levando as peças originais a novos terrrenos.
Para este primeiro volume, que já se encontra em todas as plataformas digitais, as sinergias confluirom com Su Garrido Pombo, que achegou “O outro lado” do seu último trabalho “Patios de luz”, Lucía Aldao, que emprestou “A da misántropa riquiña” do seu “Pava 2”, Ugia Pedreira que fiou “Vida ainda” do seu primeiro trabalho como A Pedreira e Mai que encomendou “Big Bang” do seu disco de debut, “Nigredo”.
No apartado audiovisual estrea-se simultaneamente um videoclip para a remistura de “Big Bang” protagonizado pola propia Mai (Iseo Agilda) e nas próximas semanas chegará umha segunda peça audiovisual para acompanhar “A da misántropa riquiña” protagonizada pola própria Lucía Aldao.
