PGL – Ontem faleceu o histórico dirigente galeguista Antom Moreda, fundador e primeiro secretário-geral do Conselho da Mocidade da Galiza, considerado germolo do nacionalismo galego moderno.
Nascido em 1934 em Sam Miguel de Reinante, na localidade marinhã de Barreiros, Moreda foi muito jovem para a emigraçom, com apenas 16 anos. Em Buenos Aires freqüentou os ambientes galeguistas, e em 1953 participou na fundaçom das Mocidades Galeguistas, que realizárom umha notável actividade cultural.
Em 1956 participou no I Congresso Galego da Emigraçom, e poucos anos depois regressou para a Galiza, onde continuaria a relacionar-se com círculos galeguistas. Assim, em 1963 foi fundador e primeiro secretário-geral do Conselho da Mocidade da Galiza. No entanto, as discrepâncias entre culturalistas (liderados por Ramom Pinheiro) e os partidários da via política, finalizárom com a expulsom destes últimos, incluído o próprio Moreda. Após isto, o Conselho da Mocidade acabaria desaparecendo pola parálise interna.
Por sua parte, os expulsos continuariam a linha política participando na refundaçom da Uniom do Povo Galego (UPG). Pouco tempo depois, e devido a problemas de saúde primeiro e familiares depois, Moreda abandonaria a política activa.
+ Ligações relacionadas:
- Antom Moreda ou do compromisso com umha Terra Livre [Uxío-Breogán Diéguez para Vieiros, 05/02/2010]
- Vídeo-entrevista a Antom Moreda [Vieiros, 12/05/2008]
