O Conselho da Associaçom Galega da Língua (AGAL) lamenta o falecimento do sócio Esteban Yáñez (Ferrol, 1984). Vinculado desde mui novo à interpretaçom, na década de 90 foi um rosto familiar polo seu papel como Arroz Hacker no programa juvenil Xabarín Club da TVG e como Pepinho na sucedida série Pratos Combinados, também emitida no principal canal galego.
Outra das suas grandes paixons foi a música e durante um tempo integrou com um amigo o grupo Os Megaloves, com o qual dérom concertos de pequeno formato em que versionavam alguns dos seus grupos preferidos.
Se como artista era multifacetado, como militante da língua, das artes, da comunicaçom, também o era. Para além de sócio da AGAL —com a qual colaborou em diferentes campanhas—, integrava a Comissom de História da Gentalha do Pichel e o comité de redaçom da revista Luzes, entre outras iniciativas.
