PGL — No passado sábado, 7 de Fevereiro, os grupos de Punk Rock Skacha (Galiza) e Peste&Sida (Portugal), dérom o pontapé de saída, na Sala NASA de Compostela, ao projecto ‘Fálame-Enténdote’, um encontro musical que pretende ser «umha olhada mútua, um encontro aguardado e inevitável, umha aperta cultural entre artistas e bandas de ambos os lados da raia».
‘Fálame-Enténdote’ propom variar a tendência isolacionista que leva galegos e portugueses a viverem e sentirem de costas, estabelecendo canais onde podermos desenvolver a difusom e inter-relaçom cultural e também a económica, estratégica e o compartilhamento de um território cultural comum.
Dessa maneira, além da ediçom de umha colectánea de artistas e bandas da Galiza e Portugal, estám agendados umha série de minifestivais por toda a geografia galega e portuguesa.
A Axencia Musicas é responsável pola coordenaçom do projecto, com Falcatruada como selo que fará colectánea do encontro, e Lonxa Cultural e Compact Records na distribuiçom para a Galiza e Portugal, respectivamente.
Bandas que participam no ‘Fálame-Enténdote’:
- Galiza: Aphonnic, Dios ke te Crew, Taru e os paxaros coiro, GalegoZ, Aid, The Homens, Som do galpom, Nao, Kastoma, Samesugas, Skacha.
- Portugal: Bob da Rage Sense, Simbiosis, Peste e Sida, Cartell 70, Humble.
+ Fonte:
- Iniciativa musical gz-pt. Komunikando.net
