PGL – O porta-voz de Língua do BNG no Parlamento, Bieito Lobeira, denuncia as pretensons do exército espanhol de substituir o galego polo castelhano no Concelho de Marim, município com presença de instalaçons militares.
Segundo Lobeira, o Ministério espanhol de Defesa dirigiu-se formalmente às autoridades de Marim para substituir a língua própria da Galiza polo castelhano em sinalética do tipo “Dársena Militar/Porto de Marim”, em que propom que fique só a primeira opçom, ou a denominaçom “Escuela Naval Militar” pola de Escola Naval Militar.
Lobeira critica a hipocrisia deste pedido quando na própria base está sediado o buque escola “Arosa”. Nom seria este o único caso de buque espanhol com toponímia galega deturpada, pois está também, por exemplo, o “La Graña”, assinala o parlamentar nacionalista.
