PGL – Acaba de finalizar a 75ª ediçom da Volta a Portugal Lisboa-Viseu com a vitória do estradense Alejandro Marque e segunda posiçom do vila-garciano Gustavo Veloso. Aliás os galegos levarom três etapas: umha o Marque (a contra-relógio ), outra o Veloso (a rainha com final na Torre, na serra da Estrela) e umha terceira o Délio Fernández. Os três fam parte da equipa OFM-Quinta da Lixa com sede na localidade de Sobrado no concelho de Valongo.
A Volta continua a ter um ganhador galego após as cinco vitórias do David Blanco nos anos 2006, 2008, 2009, 2010 e 2012 que o converteram no seu recordista. A audiência galega pudo desfrutar da corrida a través da RTP internacional disponibilizada, entre outras, pola empresa R.
Como ponto positivo salientar o bom uso do galego-português por parte dos corredores galegos e como negativo o desprezo da redaçom de desportos da TVG pola Volta e polo sucesso conseguido. Sem ser surpreendente pois já acontecera com as vitórias do David Blanco, o apresentador dos desportos do telejornal meio-dia do domingo deu como “um último apontamento” sem entrevistas nem imagens a notícia da vitória final do Marque.
Chegada de Alejandro Marque no contra-relógio
Gustavo Veloso a vencer na Torre
+ Notícia relacionada:
+ Vídeos no YouTube:
