CS Aguilhoar – Umha nova ediçom do Festival da Mocidade, organizado polas sócias e sócios da Aguilhoar, está em andamento com o intuito de oferecer a todas as e os limiaos um espaço de lazer alternativo e que este ano terá como novidade a sua localizaçom na aldeia da Sainça, no concelho de Rairiz de Veiga e cujo tema de debate central será a luita feminista e anti-patriarcal.
Mais um ano, a autogestom e autofinanciamento do festival será outro dos elementos mais salientáveis deste festival lúdico-reivindicativo, e que nesta ocasiom pretendem convidar a todas e todos a umha jornada completa, que començará já de tarde até a noite, inclui formaçom, gastronomia e festa, disponibilizando mesmo umha zona de campismo para passar a noite.
Cinco anos de festival
Este ano cumprem-se já cinco anos desde aquela primeira experiência em Vilar de Santos naquele chuvoso dia de 18 de Agosto de 2006, data muito especial que confirma já este evento como fixo no calendário de verao de muitos e muitas jovens da comarca e nom só, que acreditam numha outra Galiza, rebelde e combativa.
Embora o calendário de actividades nom esteja fechado, podemos adiantar parte da agenda desta quinta ediçom. Assim a pequena aldeia da Sainça, bem conhecida em todo o sul da Galiza por se celebarar nela umha das romarias com mais sucesso e mais importantes do país (“Festa dos Mouros e Cristaos”), acolherá diferentes actividades com temática arredor do feminismo e a luita anti-patriarcal organizadas em exclusiva pola assembleia de mulheres da Aguilhoar, como por exemplo um encontro de colectivos feministas, exposiçons, jogos, teatro de rua, etc, bem como umha grande comida popular, à que animam a todas e todos a participarem, com acompanhamento musical de pandeireteiras e, por último, os concertos musicais, que neste ano combinaram grupos conhecidos por tocarem com sucesso em ediçons anteriores, como os estradenses “Esquíos” e os compostelanos “Post Mortem”, e a novidade dum dos grupos emergentes do hardcore galego, os vigueses “Sem Resposta”. Ainda, a festa continuará no Local Social da Sainça no que continuará a festa com música galega até o corpo agüentar.
Assim, com a intençom de organizar nom só umha noite de música, mas umha jornada intensa e completa de actividades desde a tarde a até a noite, estarám à disposiçom de todos aqueles que participem das actividades do evento um posto de comida a preços populares, umha barraga para se proteger perante as eventuais inclemências meteorológicas para melhor desfrute do mesmo. Ainda, contará com umha zona de campismo de balde, para aquelas pessoas que venham de fora ou aquelas que optarem por ficar a passar a noite na Sainça. Por último, como já referimos, estará à disposiçom o local social da Sainça para continuarmos a diversom, bem como casas de banho públicas.
PROGRAMA DE ACTIVIDADES
20 de agosto
I Acampamento da Mocidade
Desde a sexta 20 até o domingo 22 de Agosto decorrerá o I Acampamento da Mocidade também na Sainça, aderindo às actividades do V Festival da Mocidade e ampliando ainda o leque de actividades.
- Recebimento e comida comunitária
- Mesa Redonda: “Principais problemáticas da mocidade galega de hoje”
- Merenda-Ceia
- Mesa Redonda: “Propostas e estratégias a tratar desde a mocidade”
- Jogos e foliada
21 de agosto
- Desde às 9h
– Alvorada, almoço e assembleia
– Roteiro pola Sainça com um representante do movimento ecologista limiao
– Jantar
– Jogos: Aberto de bilharda, etc
- Desde às 17h
– Exposiçom fotográfica
– Encontro feminista
– Pojecçons
– Obradoiros
- Às 18h
– Palestra “A mulher do rural, a mulher do trabalho e a mulher nacionalista galega”
- Às 19h30
– Apresentaçom do Museu da Tortura contra as mulheres, da mao das Lerchas.
- Às 20h
– Recitado de poesia
- A partir das 21h
– Ceia popular: Churrasco assado (preço 5 euros) com opçom vegetariana
- A partir das 23h
– Concertos
OS ESQUÍOS
POST MORTEM
SKANDALO GZAo remate, pinchada musical no Local Social da Sainça.
22 de agosto
- Alvorada e almoço
- Mural participativo
- Jantar e assembelia de feche do Acampamento
+ Ligaçons relacionadas:
