PGL – Na tarde de hoje, dia 27 de Novembro, às 19h30, o Dr. Carlos Garrido imparte na Escola Oficial de Idiomas de Compostela umha conferência que leva por título Léxico galego actual, ingenuidades e imposturas. A utilidade do português para a codificação lexical do galego.
A actividade está organizada polo Departamento de Português da EOI compostelana e está aberta a todas as pessoas interessadas em participar.
O conferenciante, o Dr. Carlos Garrido (Ourense, 1967), é licenciado em Biologia pola Universidade de Santiago de Compostela e em Traduçom e Interpretaçom pola Universidade de Vigo.
O professor Garrido é umha das maiores autoridades do país sobre as linguagens especializadas. De facto, na Universidade de Vigo lecciona Traduçom de Textos Científicos e Técnicos Inglês/Alemão-Galego. Forma parte da Comissom Lingüística da Associaçom Galega da Língua e é membro do Conselho de Redacçom da revista Agália.
No plano léxico-científico, é autor de obras como o Dicionário Terminológico Quadrilíngue de Zoologia dos Invertebrados (1997), do Manual de Galego Científico (2000) e de Aspectos Teóricos e Práticos da Traduçom Científico-Técnica (2001).
Cartaz da actividade
+ Ligações relacionadas:
- Ataque e vindicaçom da língua galega no El País [Velho PGL, 09/09/2008]
- ‘‘Degradaçom e regeneraçom do léxico galego”, palestra de Carlos Garrido [Velho PGL, 05/06/2008]
- Carlos Garrido: «O estado de anomia e subsidiariedade do léxico galego constituiria um verdadeiro escándalo noutras coordenadas sociais e culturais» [Velho PGL, 26/06/2008]
