PGL – O veterano festival de música Treme a Terra atinge este ano a sua XIV ediçom. Organizado pola associaçom do mesmo nome, ano após ano foi-se convertendo num autêntico referente musical para o país. A partir das 21h30, o chão do Parque Sarmento de Ponte d’Eume tremerá com os sons dos bascos Betagarri e os galegos Arenga, Magnifique Bande dos Homes sen Medo e Chámalle Xis.
Betagarri é umha formaçom musical criada em Gasteiz (capital do País Basco) em 1992, ainda que só em 1997 publicárom o seu primeiro disco.
Arenga é um grupo de punk/rock que tem entre os seus referentes grupos da valia de Banda Bassotti, Soak, Inadaptats ou Berri Txarrak, entre outros.
A Magnifique Bande dos Homes sen Medo auto-definese como umha «nom-charanga», isto é, «umha banda de vento e percussom que nom toca nem passodobres, moinheiras ou cúmbias».
Por último, os corunheses Chámalle Xis é um grupo de recente criaçom, realmente novinho, já que o seu primeiro ensaio fio em 2007 e o primeiro concerto chegou no Dia das Letras de 2008. Tocam com guitarra, baixo, bateria com set de ruídos e vocalista.
ARENGA
BETAGARRI
CHAMALLE XIS
+ Ligações relacionadas:
- XIII ediçom do Treme a Terra [Komunikando.net]
- XII ediçom do Treme a Terra [Komunikando.net]
