PGL – A plataforma Falarmos.com permite a partir de hoje a inscriçom num novo curso. Trata-se de Escrever.com.nh, um curso on-line de língua destinado à cidadania galega que queira dominar a expressom escrita da nossa língua na norma AGAL e portanto participar de umha visom internacional da nossa língua
O curso tem umha duraçom de 40 horas distribuídas em 4 semanas e 8 unidades e está monotorizado por Afonso Mendes, professor e tradutor profissional, e inclui exercícios de expressom escrita bem como dinámicas de trabalho em grupo.
Preço e descontos
O é de 35 euros (IVA incluído) para o público geral e de 30 euros (IVA incluído) para sócias/os da AGAL e desempregadas/os. Existe a possibilidade de adquirir dous manuais de apoio ao curso (em formato livro) que seriam enviados polos correios somando mais 15 euros à matrícula base. A superaçom do curso dá direito a um diploma emitido pola AGAL.
Prazos
O prazo de inscriçom começará o dia 23 de março e vai-se prolongar até o dia 13 de abril. Há um número de lugares limitado: 30. No caso de se preencherem antes da finalizaçom formal da inscriçom avisaremos neste mesmo espaço e daremos por concluída a inscriçom. O curso começa oficialmente o dia 14 de abril e finaliza a 14 de maio.
Falarmos.com
Falarmos.com é uma iniciativa da Associaçom Galega da Língua (AGAL) para fortalecer o conhecimento por parte dos galegos e as galegas da língua internacionalmente conhecida como Português, e nomeada comummente na Galiza, simplesmente galego.
