O acampamento orientado à rapazada de 10 a 16 anos decorrerá no centro de interpretaçom de Curtis (Teixeiro), do 31 de outubro ao 3 de novembro.
Ultreia, o projeto para os tempos livres impulsionado pola Semente – Escolas de Ensino Galego-, anuncia a sua segunda iniciativa após umha primeira exitosa experiência no acampamento de verao de Trasancos.
O projeto educativo Semente dá assim continuidade à sua maneira de entender a educaçom, abrindo horizontes com a pedagogia do tempo livre: fora do calendário escolar, além das idades de escolarizaçom abrangidas e fora dos seus recintos.
Nesta ocasiom a proposta de Ultreia levará a rapazada a Teixeiro, onde desfrutará dum variado programa de atividades que irá do desporto popular aos roteiros ambientalistas e do conhecimento do património histórico à música tradicional, sempre num ambiente de imersom e consciência linguística e cultural.
O acampamento terá umha duraçom de 4 dias e 3 noites de aventuras e convivência em galego para mocidade de 10 a 16 anos. Inscriçons em www.semente.gal/acampamentos/aponta-te-o-acampamento/
