As Escolas de Ensino Galego Semente querem por me valor as Mascaradas de Inverno e para isso estám a preparar a edição dum livro monográfico que, de modo visual, compile as máscaras e roupas que formam o centro das celebraçons do inverno na Galiza. Um guia prático onde obter informaçom sobre estes rituais com a intençom de difundir conhecimento e colaborar com a difusom e conservaçom da nossa identidade.
O livro “Entruidos e Mascaradas na Galiza”é fruto dumha experiência anterior. No ano 2017 a Escola de Ensino Galego Semente Compostela editou um livro com formato de caderno de campo que combinava desenhos e atividades fundamentalmente dirigidas a crianças.
Agora, este novo livro duplicará o número de máscaras, até chegar às 146 distribuídas em 122 desenhos e convertendo-se assi no maior guia visual das mascaradas do país.
A proposta é criar um material de qualidade, impresso em offset, com capa dura e um tamanho de 21×27. As imagens irám acompanhadas por umha breve explicaçom do seu agir, a sua localizaçom e explicaçons que tanto fam referência a generalidades do ciclo festivo tradicional galego de inverno como a mascaradas mais locais e concretas. Além dum limiar escrito polo construtor de máscaras de Matamá Paco Diéguez, facilitará-se a localizaçom com um mapa.
Este projeto pretende promover o conhecimento dumha parte importante do nosso património cultural através dum novo material criado para as escolas Semente e para todas aquelas crianças, adultas e entidades que queiram descobrir de modo amplo e divertido aspetos mui variados do Ciclo Festivo Tradicional e das Mascaradas de Inverno.
Para poderem financiar este livro, a escolas Semente, a nível nacional, criaram uma conta na plataforma Verkami.com onde durante 40 dias se pode reservar um ejemplar e conseguir estupendas recompensas exclusivas desta campanha.
As Escolas de Ensino Galego Semente som umha entidade social que pretende estabelecer as bases necessárias para a criaçom de Escola Nacional Galega e tem criado material de qualidade mui variado com a intençom de difundir aspetos da nossa história e cultura e melhorar a realidade do nosso contexto social.
