O Diário Oficial de Galiza publicava nos últimos dias do mês passado as convocatórias para que os centros educativos podam solicitar esta linha de ajudas, que organiza cada ano a Conselharia de Cultura, Educaçom, FP e Universidades para todas as etapas educativas nom universitárias com o fim de contribuir ao financiamento de atividades que realizam as equipas de normalizaçom linguística e o professorado.
O prazo está aberto para apresentar solicitudes até o 28 de janeiro, preferencialmente de maneira telemática, e há um total de 385.000€ destinados ao fomento do galego nas aulas durante o curso 2022-2023.
O prazo está aberto para apresentar solicitudes até o 28 de janeiro, preferencialmente de maneira telemática, e há um total de 385.000€ destinados ao fomento do galego nas aulas durante o curso 2022-2023.
Para optarem às ajudas, as equipas ou professores/as encarregadas da dinamizaçom do galego deverám apresentar os seus projetos e atividades, que serám posteriormente avaliados e pontuados para a determinaçom dos montantes. A quantidade máxima que cada centro poderá receber varia entre os 220 e os 1000 euros em funçom do número de alunos e alunas.
A quantidade máxima que cada centro poderá receber varia entre os 220 e os 1000 euros em funçom do número de alunos e alunas.
A respeito dos critérios de valoraçom, a qualidade do projeto tem um peso de 80% da pontuaçom total. Para isto serám consideradas umha serie de variáveis, como o grau de implicaçom dos membros da comunidade (famílias, professorado e pessoal de administraçom e serviços), o nível de utilizaçom de novas tecnologias (site web, blogues, redes sociais, códigos QR, materiais audiovisuais, robótica…), o grau de colaboraçom com outras instituiçons ou entidades externas e com outros centros e o carácter plurianual das atividades. 20% restante é atribuído em funçom do número de matrículas.
